Forumi rinor i BDI-së, sot afër qeverisë ka ironizuar paralajmërimin e PDSH-së se qoftë edhe me një deputet do të bëhet pjesë e qeverisë, duke improvizuar shpallje konkursi për ministra. <br /><br />"Tre nga kriteret kryesore të konkurimit, janë si vijon: kandidati si dhe kryetari të ketë humbur në të gjitha ciklet e zgjedhjeve, ky është kusht i domosdoshëm, përparësi ka ai që ka humbur në lagjen ose fshatin e tij. Kandidati t'i jetë besnik kryetarit të partisë, edhe sikur ky të kërkojë të përplasë kokën në murë, përparësi ka ai qëka thyer njëhër tashmë kokën e tij. Kandidati të jetë llogaritar i mirë, ky është kusht që kërkohet nga kryetari i partisë. Ministrat do të menaxhojnë edhe pasurinë që do të përfitojë kryetari i partisë", thanë nga forumi rinor i BDI-së.<br /><br />Reagimi ironik i forumit rinor të BDI-së vjen pas deklaratës së kryetarit të PDSH-së para qytetarëve në Dibër se partia e tij do të jetë pjesë e Qeverisë së ardhshme, madje edhe nëse fiton vetëm një deputet. <br /><br /> "Po t'ju pyesin si mund të hyjë Menduh Thaçi në Qeveri, o se kam gajlen e atyre, sa për ata si bëj hesap, vet, tek deputet do hyjë në qeveri dhe s'mund të bëjnë gjë ata", kishte thënë Menduh Thaçi, PDSH. <br /><br />Në reagimin ironik të Forumi rinor të BDI-së, citohej edhe respekti i "ndërsjellë" mes ministrave dhe kryetarit të PDSH-së. Këta të parët, e kanë kategorikisht të ndaluar t'i thonë kryetarit të tyre se nuk mundem meqë pason shkarkimi, ndërkaq urdhërat e kryetarit nuk duhet injoruar dhe mospërfillur, pasiqë një gjë e tillë dëmton rëndë shëndetin e kryetarit. Adrian Kerimi
