Tiranë- Zemra e Ilia Karelit, shqiptarit të masakaruar për vdekje nga gardianët e burgut të Nigritas në Greqi, ka mbërritur në Shqipëri, gati një muaj pas ngjarjes makabër.<br />Zyrtarisht burime nga mjekësia-ligjore në Tiranë konfirmojnë se organi, i cili i mungonte 42- vjeçarit, ndodhet në këtë institucion për t'iu nënshtruar ekzaminimeve që do të kryehen nga specialistët shqiptarë.<br />Sëbashku me zemrën, në Tiranë kanë ardhur edhe dy inde mishi ,të cilat ishin shkulur nga krahu dhe dora e të ndjerit Kareli.<br />Të njëjtat burime saktësojnë se ekzaminimet do ti shërbejnë hetimeve të nisura kryesisht nga Prokuroria e Fierit, për rastin në fjalë.<br />Mësohet se familjarët e 42-vjeçarit nga Zhupani i Fierit,kanë kërkuar që ti kryhen ekzaminimet dhe më pas ti dorëzohen zemra dhe indet.<br />Kthimi i organit të Kareli vjen dy ditë pas nisjes për në Greqi të prokurorit Ardian Beu dhe ekspertit Zija Ismaili.<br />Materialet e the ra për ngjarjen pritet të vinë me letër porosi nëpërmjet Ministrisë së Drejtësisë që të bëhen pjesë e fashikullit hetimor.<br />Ilia Kareli apo Kudret Kume,siç njihej në Shqipëri, humbi jetën tragjikisht pas torturave të gardianëve grek në burgun e Nigritas.<br />Dhuna ndaj tij erdhi pas vrasjes nga 42-vjeçari të një gardiani në burgun famëkeq të Malandrinos.<br />Për ditë me radhë historia e Ilia Karelit ishte lajmi kryesor i mediave greke,ndërsa hetimet konfirmuan se vdekja kishte ardhur si pasojë e dhunës ushtruar ndaj tij.<br />Video të ndryshme u transmetuan në Greqi, ku vërtetohej ushtrimi i dhunës nga 14 gardianët e Nigritas.<br />Ndërkohë në ditët në vijim pritet të dalin dhe rezultatet kryera nga mjekësia-ligjore në Tiranë, për t'i krahasuar me atë të përfunduar në Greqi.
