Gjyqtari i Gjykatës së Apelit të Tiranë, njëkohësisht anëtar i Këshillit të Lartë të Drejtësisë, Gjin Gjoni reagon lidhur me kallëzimin penal të ILDKP-së ndaj tij për fshehje pasurie. Përmes një komunikate të shpërndarë për mediat, Gjoni e konsideron një fushatë denigruese me qëllime politike.<br />Sipas tij të gjitha deklarimet e dhëna në media janë akuza të montuara me keqdashje ne dhoma të errta të një pjese të politikës dhe të grupeve të interesit që qëndrojne pas tyre.<br />Gjin Gjoni pretendon se përmes goditjes së tij, kërkohet të uzurpohet Keshilli i Lartë i Drejtësisë. Arsyeja tjetër e kallëzimit penal ndaj tij, thekson Gjini, ka të bëjë me përpjekjet e vazhdueshme të qarqeve të caktuara të lidhur me njerëz të pushtetit për gllabërimin e një biznesi të sukseshëm që bashkëshortja e tij ka krijuar rreth 14 vjet para se të martoheshin.<br />Nga ana tjetër gjyqtari Gjoni thekson se kreu i ILDKP-së, Shkëlqim Ganaj, ka qenë një nga personat me te cilin jo vetem është konsultuar, por edhe e ka ndihmuar në plotësimin e këtyre deklaratave.<br />Anëtari i KLD-së thekson më tej në deklaratë, se ILDKP ka vepruar në kundërshtim me ligjin nr 9887 dt 10.03.2008 ndryshuar me ligjin me nr 48/20 12.Për mbrojtjen e të dhënave personale, duke bërë publike të dhëna personale të tij dhe bashkëshortes.<br />Ndërsa shprehet i hapur per çdo hetim të plotë dhe të drejte për të nxjerrë në pah të vërtetën, Gjoni deklaron se do të padisë kreun e ILDKP-së për shpërdorim detyre dhe kallëzim të rremë ndaj tij dhe bashkëshortes së tij.
