BDI-ja bëri thirrje për dalje masive në zgjedhjet parlamentare dhe shfrytëzimin e të drejtës demokratike, duke kontribuar kështu edhe në rritjen e numrit të deputetëve shqiptarë. Fushatën parazgjedhore BDI-ja e vlerëson si të qetë dhe demokratike, ndërsa i falënderojnë 150 mijë qytetarët që sipas tyre kanë marrë pjesë në tubimet e tyre. Ata gjithashtu garantojnë se do të sigurojnë situatë të qetë në ditën e zgjedhjeve.<br /><br />"Dua të bëj një apel deri te qytetarët e Maqedonisë, që të dalin më 27 prill dhe të votojnë për zgjedhjet parlamentare. Të dalin dhe të votojnë sepse ne u garantojmë siguri, ne u garantojmë që dita e zgjedhjeve do të jetë e qetë, do të jetë ditë historike, ashtu siç ishin të qeta ditët e fushatës parazgjedhore", deklaroi Abdilaqim Ademi.
