Shpërndarja e lëndëve narkotike në ambientet shkollore ka shërbyer si shkëndijë për ti vënë flakën debatit të ndezur mes Prefektit dhe Bashkisë së Tiranës.<br />"Tirana nuk është në hartën e vendeve problematike sa i takon kultivimit të lëndëve narkotike edhe pse ka raste sporadike kur policia ka ndërhyrë. Më problematik është fakti i trafikimit dhe përdorimit të këtyrë lëndëve të dëmshme për shëndetin për nëpër institucione arsimore, ku shitësit ambulant kanë gjetur një oaz për biznesin e tyre, pasi policia bashkiake edhe pse i është kërkuar në shumë raste të ndërhyjë nuk ka qenë e vëmendshme. Zonat më problematike në qarkun e Tiranës sa i takon kultifivimit të lëndëve narkotike mbeten Baldushku, Bërzhita, Zall -- Herr, Vaqarr, Ndroq, disa zona pranë Vorës, fshati Shën Gjergj etj, ku janë kapur mbi 200 rrënjë, ndërsa janë arrestuar dhe proceduar përgjegjësit. Kryetarët e komunave të djathta edhe pse kanë marrë ftesa nuk kanë pranuar të jenë pjesë e këtij takimi, i cili në thelb do të ketë diskutime mbi mënyrën se si duhet të qaset kjo problematik që ndikon në sigurinë dhe shëndetin e qytetarëve të Tiranës" deklaroi prefekti i Tiranës, Sadi Vorpsi.<br />Kjo deklaratë e prefektit Vorpsi në tryezën e zhvilluar me policinë ka sjellë një reagim të ashpër të Bashkisë.<br />"Prefekti, "vegël" e Ramës për bllokimin e buxhetit, flet sot për bashkëpunim. Injoranca e prefektit nuk njeh kufi. Policia Bashkiake nuk ka asnjë kompetencë për të kontrolluar trafikun e drogës dhe shpërndarjen e saj në shkollat e Tiranës e cila është kthyer në një shqetësim të jashtëzakonshëm muajt e fundit dhe as kultivimin e saj në komunat përreth Tiranës. Prefekti zhvesh nga përgjegjësia përgjegjësit e kësaj situate dhe sulmon Bashkinë e Tiranës, ndërsa qytetarëve të saj u ka mohuar çdo shërbim duke u bllokuar buxhetin"tha Vorpsi.<br />Brenda pak minutash replikat kanë pasuar replikat ku dy institucionet kanë shigjetuar pa mburojë njëri-tjetrin.<br />"Prefekti i Qarkut Tiranë i përcjell me neveri deklaratat e Bashkisë së Tiranës, e cila duke përdorur një gjuhë të papranueshme ndaj drejtuesit të një institucioni shtetëror, i largohet gjithnjë e më shumë përfaqësimit të kryeqytetasve. Këto deklarata bëhen edhe më banale, kur kjo gjuhë përdoret nga ana e një institucioni të zgjedhur vendor, institucion ky që nuk i është përgjigjur asnjëherë ftesave zyrtare të Prefektit për të biseduar mbi problematikat dhe zhvillimet e Qarkut".<br />Më pas erdhi dhe reagimi i Bashkisë:<br />"Bashkia e Tiranës i ka bërë thirrje dhe pret bashkëpunimin e drejtorisë rajonale të Policisë, për lidhjen e imazherisë së këtyre kamerave me Dhomën Operacionale të Policisë së Shtetit në Tiranë. Sot, nxënësit dhe qytetarët e Tiranës presin nga prefekti zhbllokimin e buxhetit i cili parashikon përmirësimin e kushteve në shkolla, kopshte dhe çerdhe, ndërtim të rrugëve, shtim të hapësirave të gjelbra, përmirësim të cilësisë së jetës së tyre"<br />Pas debatit për buxhetin dhe Bulevardin, Prefekti dhe Bashkia gjejnë edhe një tjetër llogore, ku armët s...
