Teatri i Metropolit ka zgjedhur të sjellë në skenë një vepër ukrainase nga Aleksandër Mardan.<br /><br />"Nënat e Bijat" vjen këtë fundjavë për të përcjellë një mesazh të vjetër sa bota "jemi ne që vendosim fatin tonë" <br /><br />Vepra e dramaturgut ukrainas Aleksandër Mardan, flet për situatat - kurth, ku bie njeriu dhe nga të cilat nuk arrin të shpëtojë, pa qenë viktimë.<br /><br />Shfaqja bën fjalë për dy gra të cilat jeta i detyron të bëhen prostituta, për të arritur një jetë më të mirë. Nëpërmjet situatave "Nënat dhe bijat" bëhen shumë komike në këtë shfaqje.<br /><br />Dhe mesazhi që përcillet është se jemi të gjithë ose viktima ose xhelat dhe në çdo situatë jemi vetë ne ata qe zgjedhim çfarë ane duhet të marrim.<br /><br />Aleksandër Mardar ka në qendër të veprës së tij një grua në moshën dyzet vjeç, Valentinën, e cila është braktisur nga burri dhe jeton me vajzën e saj adoleshente,dhe një ditë bëhet autore e një aksidenti ku humb jetën një person është kjo ngjarje që i ndryshon krejtësisht jetën.<br /><br />Valentina dorëzohet në polici, por qëllon që ajo të ishte dera e gabuar. Dera e disa njerëzve që abuzuan me hallin e një femre të vetmuar duke e kërcenuar në këmbim të pagesës së aksidentit ata i kërkojnë vajzën, duke e detyruar të prostituojë e të bëhet lodra e 20 burrave.<br /><br />E megjithatë Valentina nuk i shpëton pagesës, për të cilën detyrohet të marrë kredi dhe të largojë vajzën nga shtëpia dhe të punojë që të shlyej kredinë.<br /><br />E për ta arritur këtë përfundon dhe vetë në prostitutë që të mund të paguaj kredinë dhe të mos humbasë shtëpinë.<br /><br />Vepra vjen nën interpretimin e Valina Muçollit dhe Egzona Ademit, me regji të Rozi Kostanit. Dje ishte premiera, ndërsa ata që e kanë humbur mund ta ndjekin sot dhe nesër në orën 20 në teatrin e Metropolit.
