DURRES - Arrestohet në Durrës, Edison Kajtazi, i kërkuar si bashkëpuntor në vrasjen e Aurel Zenkës. <br /><br />Kajtazi, është i arrestuari i shtatë për vrasjen e ndodhur mbrëmjen e të premtes në rrugën "Zonja Çurre", pranë fushës Ali Demi në Tiranë. <br /><br />38-vjeçari Zenka, pronar i një lokali në zonën e ish-Bllokut, sipas policisë u vra me armë zjarri gjatë një grindjeje me disa shokë të tij, të cilët ishin ndarë në dy palë dhe ishin konfrontuar për shkak të një borxhi. <br /><br />Po sipas policisë dyshohet se ishte një shumë parash e cila vinte nga një aktivitet i jashtëligjshëm. <br /><br />Mbrëmjen e të djelës, po në Durrës policia arrestoi Agron Goxhajn, Enton Ibrahimi, Alket Halitajn, Artan Hasanin dhe Andi Veshin. A1Report publikoi edhe pamjet e momenteve të arrestimit të tyre nga policia e Durrësit, Tiranës dhe forcat speciale RENEA. <br /><br />Ndërsa më herët ishte arrestuar edhe Besnik Mansakun. Goxhaj, sipas policisë ishte plagosur, i goditur nga Zenka, para se ky të qëllohej për vdekje.
