ITALI- Dritan Demiraj, 29-vjeçari shqiptar i arrestuar në Itali më 3 mars 2014 për vrasjen e ish- të dashurës së tij dhe një 30-vjeçari italian, mund të ketë vrarë edhe kushëririn e tij, i cili rezulton i zhdukur. Demiraj nuk ka pranuar ndarjen nga Lidia Nusdorfi, duke e vrarë atë dhe të dashurin e saj të ri Silvio Mannina.<br /> <br />Por po për motive xhelozie, Demiraj verën e kaluar ka tentuar të vrasë kushëririn e tij, pasi kishte zbuluar se ai kishte patur marrëdhënie intime me të dashurën e tij, gjatë qëndrimit për pushime në Shqipëri.<br /> <br />Tashmë kushëriri i Dritan Demirajt rezulton i zhdukur, ndërsa Prokuroria e Riminit po përgatit një kërkesë për ndihmë ndërkombëtare adresuar Shqipërisë, për të vërtetuar nëse ai është apo jo gjallë.<br /> <br />Nën hetim për vrasjen është edhe Monica Sanchi, një kamariere me të cilën Demiraj ka punuar dhe ka patur raport me të, e cila dyshohet se ka bashkëpunuar me 29-vjeçarin për kryerjen e krimit.
