Tiranë- Kreu i kuvendit Ilir Meta dhe kryeministri Edi Rama kanë kërkuar sot përfshirjen e Prishtinës dhe Shkupit në nisma rajonale siç është ajo vendeve të nismës Adriatiko-Joniane.<br /><br />Deklarata te tyre u bënë në konferencën e organizuar në Tiranë.<br /><br />"Ky është viti i 100 vjetorit të Luftës së Parë Botërore, e cila shpërtheu pikërisht në Ballkan dhe 100 vjet më pas, 2014-a është i pari vit në historinë e Ballkanit që nis e vijon pa asnjë konflikt.<br /><br />Dhe në përmasën e kësaj paqeje të re, të realizuar në emër të ëndrrës së përbashkët europiane të vendeve të rajonit tonë, unë do t'i bashkëngjitesha propozimit të bërë nga kryetari i Kuvendit, për të përfshirë edhe Prishtinën dhe Shkupin në këtë nismë, pasi besoj se koha e re e paqes kërkon një kohë të re bashkëpunimi dhe ndërveprimi rajonal dhe Nisma Adriatiko-Joniane është një instrument me një potencial të madh, për t'i ndihur kësaj paqeje në funksion të zhvillimit ekonomik dhe social.<br /><br />Është një nismë që synon ta kthejë detin Adriatik dhe detin Jon në një liqen të madh dhe të pasur të Europës së Bashkuar, si një instrument i pazëvendësueshëm për zgjidhje të përbashkëta për makro-rajonin." U shpreh Rama.<br /><br />" Kam bindjen se kriza e paprecedent ekonomike dhe kjo periudhë anormale sfidash sociale që po përjeton Evropa vitete e fundit, na detyron të gjithëve të hartojmë politika më realiste dhe pragmatike dhe të rikonceptojmë natyrën e bashkëpunimit mes vendeve tona për të ardhmen." U shpreh Meta.<br /><br />Konferenca e kryetarëve të Parlamenteve të Vendeve Anëtare të Nismës Adriatiko-Joniane u zhvillua nën kujdesin e Kuvendit.<br /><br />Temë e diskutimeve të tyre është "Afrimi me Bashkimin Evropian", "Promovimi i mirëqenies së qëndrueshme ekonomike dhe sociale të rajonit Adriatik dhe Jon.
