TIRANË - A1 Report ka siguruar foto dhe pamje të makinës luksoze "Mercedes-Benz" të djemve të kryetarit të komunës së Farkës, Fatbadh Plaku.<br /><br />Edhe pse fillimisht familja Plaku nuk i bëri publike pamjet e makinës, pas instistimit disa orësh, A1 Report ka mundur të filmojë makinën mbi të cilën pretendohet se është qëlluar me armë.<br /> <br />Makina luksoze që shikohet në foto është në pronësi të djalit 19-vjeçar të kreut të komunës së Farkës, me të cilën po udhëtonte mesditën e sotme kur është qëlluar me armë. Pamjet janë marrë nga oborri i banesës së kreut të Komunës së Farkës. <br /><br />Ndërkaq burime zyrtare nga Policia e Tiranës e kanë konfirmuar ngjarjen e e tentativës së vrasjes ndaj djemve të Fatbardh Plakut, por nuk ka konfirmuar faktin se, mjeti i tyre është qëlluar me armë.<br /><br />Dy persona me motorr dhe me skafandra në kokë mësohet se kanë qëlluar makinën në ecje të djemve kryekomunarit të Farkës përballë derës së fshatit SOS. Dy djemtë e kryetarit të Fatbardh Plakut janë F. Plaku dhe K. Plaku, 19 dhe 11 vjeç.<br /> <br />Mësohet se nga ngjarja nuk ka të lënduar. Makina që drejtohej nga djali 19-vjeçar i kryetarit të komunës, mësohet se është qëlluar me një armë të llojit shotgun.<br /><br />Sipas policisë, ngjarja ka ndodhur mesditën e sotme kur dy djemtë e Plakut ishin duke u kthyer nga shkolla për të shkuar në banesën e tyre.<br /><br />F. Plaku, djali 19-vjeçar kishte përfunduar mësimin dhe me automjetin e tij kishte marrë në një shkollë private vëllanë 11-vjeçar K. Plaku dhe ishte drejtuar për në banesë.<br /> <br />Pas marrjes së informacionit, uniformat blu kanë nisur hetimet në lidhje me këtë ngjarje.<br /><br />Ndërkaq, në datën 25 mars 2014 persona të paidentifikuar ende kanë qëlluar me një armë kundratank banesën e kryetarit të Komunës Farkë, Fatbardh Plaku.
