Bulqizë-Një sasi tritoli i është vendosur makinës së Ardian Duriçit.<br /><br />Shpërthimi i fuqishëm ka tronditur qytetin e Bulqizës rreth orës 04:00 të mëngjesit të sotëm.<br /><br />Sipas policisë sasia e tritolit është vendosur makinës tip Benz me targa AA 410 BG në pronësi të Ardian Duriçit, i moshës 25 vjeç në lagjen "Gjeologu".<br /><br />Nga shpërthimi janë shkaktuar dëme të shumta material jo vetëm në makinë por dhe në ndërtesën ku jetonte dhe familja e Duriçit. Ndërsa nuk ka të plagosur.<br /><br />Shpërthimi ka shkaktura dëme të shumta materiale në ndërtesat rreth vendit të ngjarjes, ndërsa policia ka gjetur edhe pjesë të fitilit përcjellës të lëndës plasëse, tritol<br /><br />Grupi hetimor që po merret me zbardhjen e ngjarjes por dhe familjarët bëjnë të ditur se shpërthimi nuk ka lidhje me rivalitetin e kromit ndërsa 25-vjeçari ishte i papunë.<br /><br />Grupi hetimor sqaron se kemi të bëjmë me një person tjetër dhe jo Ardian Duriçi i njohur nga policia për përfshirjen në konflikte të armatosura për biznesin e kromit në Bulqizë.
