VLORË -- Përdoruesit e drogës sa vjen e shtohen në qytetin e Vlorës. Shifrat tregojnë se janë trefishuar rastet ku të rinjtë janë bërë vartës të saj.<br /><br />Moshat e reja, kryesisht nga 15 deri në 30 vjeç, janë përdoruesit më të të rregullt të drogave që nga hashashi e deri tek kokaina.<br /><br />Këta të rinj gjejnë vende të braktisura, në kushte skandaloze, si banesa të pabanuara, hyrje pallatesh etj.<br /><br />Me kamerën tonë hymë në një banesë të braktisur, ku dukej qartë se përdoruesit e drogave përdorin shiringat për ta injektuar.<br /><br />Banorët përreth u shprehën të shqetësuar. Ata tha se "kemi parë dhe kemi degjuar lëvizje, pasi shumë të rinj vijnë këtu dhe marrin lëndën narkotike, por kemi frike t'u flasim."<br /><br />Mjeku toksikolog Aldi Duda, i cili ndjek nga afër këtë fenomen, u shpreh se: "Në një periudhë të shkurtër kohe janë rritur rastet e përdoruesve të drogës, që vijnë dhe marrin mjekim në spitalin e Vlorës.<br /><br />Janë rreth 157 të evidentuar që kanë kërkuar ndihmë nga ne, por janë shumë e më shumë të tjerë, përdorues të rregullt në qytetin e Vlorës.<br /><br />Shkaqet që i shtyjnë të rinjtë në Vlorë dhe jo vetëm në këtë qytet të drogohen, janë papunësia, depresioni, divorcet e prindërve,etj.<br /><br />Duda rrëfen se një gram heroinë kushton 8 mijë lekë të reja dhe përdoruesi që ta blejë, zakonisht e ka të pamundur; ndaj, ai duhet të vjedhë, të luajë lojëra fati ose dhe të grabisë.<br /><br />Së fundi, njihet edhe një rast ku një i ri ka humbur edhe jetën nga mbidoza. Fatkeqësisht, fenomeni i përdoruesve të drogës në qytetin e Vlorës sa vjen dhe rritet.
