TIRANE- Të dhënat e marra nga "Balkan Insight" tregojnë se nga viti 2009 deri në vitin 2012, Ministria e Brendshme shpenzoi të gjithë buxhetin e saj për reklama televizive për një agjenci të vetme, të lidhur me një figurë mediatike pro-qeveritare.<br /> <br />Të dhënat e siguruara përmes një kërkese për lirinë e informacionit, FOI, tregojnë se Ministria e brendshme organizoi gjashtë fushata të mëdha reklamash televizive dhe prodhoi një spot në 4 vite për një total prej 85 389, 780 lek (610 000 euro).<br /> <br />Të shtatë kontratat të dhëna për prodhimin dhe transmetimin e reklamave, shkuan për një agjenci të vetme publicitare, "Promo Sh.p.k".<br /> <br />Tashmë e falimentuar, "Promo" ishte në pronësi të vëllait të Aleksandër Frangajt, pronar i TV Klan.<br /> <br />Si botues i gazetës "Koha Jonë" në vitet '90, Frangaj ishte një armik i Sali Berishës, në atë kohë President i qendrës së djathtë në Shqipëri në vitet 1992-1997.<br /> <br />Në vitin 1994, ai madje u burgos për një periudhë të shkurtër, pasi zemëroi Berishën dhe Partinë Demokratike.<br /> <br />Por kur Berisha rimori pushtetin në vitin 2005, si kryeministër, Frangaj kultivoi marrëdhënie më të mira me të, duke marrë mbështetjen e tij.<br /> <br />Edhe pse kërkesa e "Balkan Insight" për informacionin u dorëzua në tetor, u mund të sigurohej akses në këto të dhëna vetëm javën e kaluar, pesë muaj pas skadimit të afatit ligjor prej 35 ditësh.<br /> <br />Nga viti 2008 deri në 2012, ministria e Brendshme drejtohej nga kreu aktual i PD-së, Lulzim Basha, nga 2009 në 2011, dhe nga presidenti aktual Bujar Nishani, nga 2007 në 2009, dhe sërish nga 2011 në 2012.<br /> <br />"Balkan Insight" ka mësuar se kontratat ishin pjesë e një skeme të gjerë për të pasuruar mediat pro-qeveritare, gjatë tetë viteve që Partia Demokratike mbajti pushtetin.<br /> <br />Institucione të tjera ishin bujare me kompani të tjera në pronësi apo të lidhura me Frangajn, përfshirë Këshillin e Ministrave, Ministrin e Mbrojtjes dhe Drejtorinë e Policisë.<br /> <br />Ministria e Mbrojtjes, përgjatë 2 viteve i dha 580 mijë euro reklama dy agjencive të lidhura me Frangajn, "Promo Sh.p.k" dhe "Zoom Events". Tv "Klan" po ashtu mori mbi 427 mijë euro nga Këshilli i Ministrave në 2008 dhe 2010.<br /> <br />Ndërkohë, Drejtoria e Policisë i dha kompanisë "Promo" 198 950 000 lek (1.4 milion euro) për 3 fushata të mëdha publicitare, nga 2010 deri në 2012.
