Shirat e rëna gjatë ditëve të fundit kanë shkaktuar edhe më shumë dëme në rrugën e fshatit Frakth, të Komunës Komsi, në rrethin e Matit. Shembja e dherave për gjatë gjithë rrugës që lidh këtë fshat me qendrën e komunës Komsi, ka bërë që banorët t'i transportojnë mallrat me kafshë dhe me shpinë.<br /><br />Edhe ata pak drejtues mjetesh të cilët lëvizin në këtë rrugë, mund të quhen me të drejtë guximtar, pasi rrëshqitja e dherave ka ngushtuar ndjeshëm rrugën. Banorët shprehen se ndjehen të braktisur nga pushteti vendor dhe se rruga është kthyer në një makth të vërtetë.<br /><br />Por ky duket se nuk i është i vetmi problem për këta banorë, pasi siç tregojne ata uji i pijshëm, por edhe ai vaditës, mungojnë prej vitesh.<br /><br />Përballë një situate të tillë ky komunitet kërkon ndërhyrjen e organeve kompetente për zgjidhjen e problemeve me të cilat ata përballen çdo ditë.
