Librazhd- Kishte mbytur foshnjën me jastëk por familjarëve të bashkëshortit të saj u kishte thënë se e kishte mbytur pa dashje duke i dhënë gji.<br /><br />Ngjarja e rëndë është shënuar psaditen e djeshme në fshatin Kuturman të Librazhdit.<br /><br />24-vjeçarja Orjola Lleshi ka pranuar krimin në polici pasi është marrë në pyetje.<br /><br />"Arrestimi i Orjola Lleshit u bë pasi, për motive të dobëta, kjo shtetase ka vrarë, duke mbytur fëmijën e saj M.Ll, 6 javesh." thuhet në njoftimin e policisë së Elbasanit.<br /><br />Fëmija fryt i një lidhje jashtëmartesore<br /><br />Orjola kishte Mateon (emri i foshnjes) nga një lidhje jashtëmartesore, të cilën e kishte pasur gjatë kohës që bashkëshorti i saj ishte emigrant në Greqi.<br /><br />Kur i vogli kishte lindur ajo kishte shkuar në Greqi dhe atje kishin nisur konfliktet.<br />Bashkëshorti i ka kërkuar Orjolës të kthehej në Shqipëri dhe të divorcoheshin pasi fëmija nuk ishte i tij.<br /><br />Pasditen e djeshme Orjola ka kryer krimin makabër duke u hequr sikur e kishte mbytur pa dashje fëmijën.<br />Kanë qenë dyshimet e familjarëve, të cilët dinin konfliktet mes çiftit të ri që kanë nxitur grupin hetimor të thellojë hetimin përtej një ngjarjeje aksidentale të mbytjes së fëmijës duke i dhënë të pijë gji.<br /><br />Fillimisht 24-vjeçarja ka bërë rezistencë por më pas ka pranuar se e kishte mbytur vetë foshnjën.
