LSDM-ja nuk do i pranojë mandatet e deputetëve, të marra nga zgjedhjet e 27 prillit. Ky është vendimi i njëzëshëm i marrë në mbledhjen e mbrëmshme të Këshillit Ekzekutiv të Partisë. Rekomandimin e tillë sonte duhet ta konfirmojë edhe Këshill Qendror i LSDM-së. Këtij qëndrimi iu bashkëngjit edhe partneri i koalicionit, PRSD-ja. Lideri i saj Tito Petkovski deklaroi se ia lë parlamentin, VMRO DPMNE-së dhe BDI-së, që ta dërgojnë Maqedoninë atje ku ata duan. Por Petkovski deklaron se nuk do të heqë dorë nga përpjekjet për të provuar kriminalin që bëhet në krye të VMRO DPMNE-së. Ndërsa opozita shqyrton kthimin e mandateve, lideri i partisë në pushtet Nikolla Gruevski i bëri thirrje sërish LSDM-së ta rishqyrtojë vendimin e saj.<br /><br />"Vlerësoj se ky është vendim i dëmshëm për shtetin dhe për vetë partinë. Partia ende ka kohë ta rishqyrtojë vendimin e saj deri në formimin e parlamentit", tha Nikolla Gruevski, kryetar i VMRO-DPMNE-së.<br /><br />Kthimi i mandateve të LSDM-së, ka nxitur komente të ndryshme edhe nga ekspertët. Profesori i të drejtës kushtetuese Savo Klimovski thotë se edhe pa opozitën, parlamenti mund të funksionojë sepse e ka shumicën.<br /><br />"Parlamenti nuk ka asnjë detyrim të shpallë zgjedhje shtesë në këtë rast. Ka shumicë në parlament. Se çfarë pasojash politike do të ketë nga mungesa e opozitës në parlament, është krejt një çështje tjetër", tha Klimovski për Alsat M.<br /><br />Megjithatë, Klimovski shtoi se duhet të bisedohet seriozisht për vërejtjet e bëra në raportin e OSBE-së.<br /><br />Ish kryetari i KSHZ-së Aleksandar Novakovski, ndërkohë, shprehet:<br />"Parlamenti do mund të funksionojë, por duhet të shpallë zgjedhje për ato mandate për të cilat listat janë shterur. Por, se si do të zbatohet kjo, Ligji është i paqartë; si do të ndahen koeficientët. Nëse do kishim sistem shumice, situata do të ishte ndryshe, por duke pasur parasysh se kemi sistem proporcional, ka paqartësi si do të zbatohen zgjedhjet plotësuese", thotë Novakovski.<br /><br />Novakovski shton se Parlamenti duhet t'i verifikojë mandatet e të gjithë 123 deputetëve të zgjedhur. Pastaj, nëse opozita vendos ta bojkotojë këtë institucion, deputetët e zgjedhur do të duhet të japin dorëheqje. Në një rast të tillë, pasardhësit e tyre në listë, do të duhet të deklarohet nëse e pranojnë apo jo mandatin e deputetit. Kur listat të jenë konsumuar deri në fund, do të shkohet në zgjedhje të reja për të cilat është e paqartë mënyra e zbatimit. Natasha Stojanovska
