TIRANË - Bashkë me reformën territoriale, aktorët politik duhet të kenë në fokus kryerjen e reformës zgjedhore, për ti dalë në ballë zgjedhjeve të viti 2015. Është ky mesazhi që ka përcjellë ish presidenti Alfred Moisiu gjatë një takimi të organizuar nga forumi civil.<br /> <br />Moisiu me anë të forumit civil që drejton, i ka bërë apel politikës që me reformën administrativo territoriale të vijë dhe reforma zgjedhore, për të paraprirë zgjedhjet vendore të vitit të ardhshëm.<br /> <br />Nga ana e tij, deputeti i Lëvizjes Socialiste për Integrim, Spartak Braho, u shpreh se mundësia e kryerjes së reformës zgjedhore nuk ka gjasa të vijë, në kushtet e presionit opozitar.<br /> <br />Deri më tani, në punimet e komisionit për reformën territoriale, drejtuesit vendorë propozuan që Shqipëria të ketë jo më shumë se 36 njësi vendore, ndërsa vetë anëtarët e komisionit konfirmuan se qarqet nuk do të preken.
