TIRANË - Dy persona janë vrarë me armë zjarri pasditen e sotme. Ngjarja e parë ka ndodhur në fshatin Lurë të Dibrës ku ka humbur jetën Shpendi Skana, 34 vjeç, ndërsa krimi i dytë ka ndodhur në Elbasan, ku Arben Çeta është vrarë me tre plumba në kokë.<br /><br /> Nga Elbasani mësohet se viktima është Arben Çeta, i cili është ekzekutuar brenda makinës së tij me targa AA 937 DR me 3 plumba në kokë.<br /><br />Ngjarja ka ndodhur në lagjen "11 Nëntori", e njohur ndryshe si vendi i 6-katëshit. Pista e parë e hetimit për shkaqet e kësaj ngjarjeje mësohet se është ajo e hakmarrjes. Çeta është plagosur gjatë nëntorit të vitit 2013 me armë zjarri në fshatin Fushë-Labinot të Elbasanit.<br /><br />Ai ka qenë i dënuar për një vrasje në vitin '98 dhe ka kryer 13 vite burg për këtë krim. i u lirua nga qelitë në vitin 2011. Por Çeta mbeti një element për policinë.<br /> <br />Në 3 shtator 2013 ai u arrestua për vjedhje. Gjykata e Faktit në Elbasan në 4 shtator 2013, me vendim numër 536, rrëzoi kërkesën e Prokurorisë për ta lënë në "arrest në burg" dhe vendos masën detyrim paraqitje.<br /> <br />Prokuroria e apeloi vendimin e Shkallës së Parë. Në 26 nëntor 2013, Gjykata e Apelit në Durrës ndryshoi masën e sigurisë dhe vendosi "arrest me burg" për Çetën.<br /> <br />Policia e kishte shpallur në kërkim që prej asaj date dhe kishte organizuar disa operacione për ndalimin e tij, por pa sukses.<br /> <br />Burime policore thonë se 47-vjeçari dyshohet të jetë qëlluar për vdekje, në shenjë hakmarrje.<br /> <br />DIBËR, 1 I VRARË DHE 1 I PLAGOSUR ME ARMË <br />Një person ka humbur jetën dhe një tjetër ka mbetur i plagosur pas një përplasjeje me armë që ka ndodhur në fshatin Lurë të Dibrës.<br /><br />Ngjarja është shënuar në fshatin Lurë të Dibrës ku Shpendi Skana dhe Ndricim Cuku janë qëlluar me brëshëri automatiku nga Ilir Rajta.<br /> <br />Për pasojë ka gjetur vdekjen Skana, ndërsa Ndriçim Cuku ka mbetur i plagosur rëndë dhe u transferua me helikopter drejt Spitalit Ushtarak në Tiranë. <br />Blutë e Dibrës janë nisur drejt vendit të ngjarjes dhe janë vënë në kërkim të autorit.<br /> <br />Burime paraprake pranë policisë së Dibrës bëjne me dije se autori i krimit njihej si person problematik, ndërsa në momentin që ka kryer vrasjen dyshohet të ketë qënë në gjëndje të dehur.<br /><br /><br />Dy të vrarë me armë zjarri, një në<br />Peshkopi dhe një në Elbasan
