Tirane- Një përfaqësi e shoqatës së të shkarkuarve nga Administrata ka hyrë në ambjentet e Panairit të Punës ku merrte pjesë dhe kryeministri, Edi Rama, për të protestuar në ditën botërore të Punëtorëve.<br /><br />Ata janë nxjerrë me forcë nga ambjentet e pallatit të Kongreseve, ndërsa pjesa tjetër e protestuesve nuk janë lejuar të hyjnë në këto ambjente.<br /><br />Një grua, pjesë e kësaj përfaqësie u nxorr me forcë në momentin që lëshoi thirrje kundër ministrit Veliaj.<br /><br />Pergjigja e Rames: Aplikoni per punë<br />Kryeministri Edi Rama u ka dhënë përgjigje edhe të shkarkuarve nga administrata, duke u thënë se Panairi i Punës është një mundësi e mirë për ta që të punësohen.<br /><br />"Dëgjova një zonjë që tha ne jemi intelektualë. Unë besoj se 100 vende pune që ofrohen këtu janë për intelektualët dhe jo fshesarët, pavarësisht se cështja e intelektualitetit është cështje tjetër. 100 vende pune nga kompanitë celulare, sigurimeve janë për intelektualëët"<br /><br />"Mos prisni që punën tua sjellë qeveria në shtëpi, por aplikoni dhe prisni me durim. 30 aplikime për një vend pune në vendet e BE, kjo ëhstë lufta ë punëkërkuesve në të gjithë vendet e BE" ka qënë mesazhi i Ramës.<br /><br />Protesta e të shkarkuave nga administrate ishte njoftuar të niste në orën 11 00, pikërisht në kohën kur Panairin e Punës e vizitoi kryeministri Edi Rama dhe ministri i Mirëqënies dhe Cështjeve Sociale, Erjon Veliaj.
