"Liria e medias në Shqipëri e Kosovë është pjesërisht e lirë" Kjo është ajo që thuhet në raportin e fundit të organizatës ndërkombëtare "Freedom House" ditën e sotme, në raportin e përvitshëm mbi lirinë e medias.<br /> <br />Që të dyja shtetet janë të pozicioniara në vendin e 98. Krahasuar me një vit më parë në pozicionin e raporit Shqipëria ka humbur dy pozicione përkatësisht nga vendi i 96. Sa i përket Kosovës vihet re një përmirësim i lehtë në tabelën pozicionale, ku nga vendi i 102, tashmë renditet në vendin e 98.<br /> <br />Megjithatë që të dyja vendet gjenden në të njëjtën kuotë pikësh si vitin e kaluar, 49, ku shkalla 0 është rezultati më pozitiv, ndërsa shkalla 100 është pika më e ultë.<br /><br />Sa i përket vendeve të rajonit Serbia është e 74-ta, Mali i Zi në vendin e 78-të, Kroacia në vendin e 83-të, me të njëjtin vlerësim, liri e pjesshme e medias.<br /> <br />Ndërsa Bosnja dhe Hercegovina dhe Maqedonia radhiten pas Shqipërisë dhe Kosovës në vendin 103, përkatësisht 122, por po ashtu me liri të pjesshme të medias.<br /><br />Freedom House thekson në raport se liria e medias ka shënuar rënien më të madhe në dekadën e fundit. Sipas raportit vetëm një në shtatë njerëz jeton në vendet me media të lirë.
