TIRANE -- Rreshjet e pandërprera gjatë ditës së sotme kanë mjaftuar për të "përmbytyr" disa zona në kryeqyetet, duke i bërë të pakalueshme rrugët, jo vetëm për kalimtarët, por edhe me rrezik për automjetet.<br /> <br />Në fakt, pamjet që shihni janë në një zonë jo pak problematike në Tiranë, në rrugën "Don Bosko", aty ku prej vitesh lind e njëjta problematikë. Bllokimi i kanaleve kulluese e shëndërron këtë rrugë të tejmbushur nga uji.<br /><br />Ndërsa siç shikoni dhe në pamjet e A1Report të filmuara rreth orës 14:30, sheshi 'Skënderbej' ka qënë i përmbytur gjithashtu me disa centimetra ujë. Situata solli qarkullim të rënduar në disa rrugë dhe veshtirësi për kalimin e këmbësorve.<br /><br />Ndërkaq, edhe lumi i Lanës rrezikon të dalë nga shtrati për shkak të rreshjeve, ndërsa problem me rrugët ka pasur edhe në qendër të Tiranës, ku problematika e kanalizimeve i ka mbushur rrugët me ujë.
