TIRANË- Dy fëmijë të mitur të moshës 9 dhe 11 vjeç rezultojnë të zhdukur që prej mbrëmjes së ditës së djeshme në Shkozë të Tiranës. Burime nga policia sqarojnë se dy vëllezërit Doris dhe Abaz P, 9 dhe 11 vjeç janë zhdukur orëve të mbrëmjes së ditës së djeshme në Shkozë ndërsa sot policia ka nisur kërkimet. <br /><br />Familjarët që kanë denoncuar zhdukjen në polici, kanë sqaruar se dy fëmijët kanë dalë nga banesa në orën 09:00 të mëngjesit të ditës së djeshme dhe për herë të fundit janë parë në orët e mbrëmjes në një autobus së linjës së Uzinës së Autotraktorëve.<br /><br />ORA 17:00, GJYSHI: PËR HERË TË FUNNDIT FËMIJËT JANË PARË NË NJË AUTOBUS<br />Pas 24 orëve të zhdukjes së dy fëmijëve të mitur, 9 dhe 11 vjeç, gjyshi i tyre nga nëna në një intervistë në "A1 Report" tregoi se hera e fundit dy vëllezërit janë duke hipur në një autobus të linjës së autobusëve të Uzinës Autotraktor, në një drejtim për të cilin ende nuk dihet.<br /><br />Familja ishte me origjine nga Dibra dhe si rrëfen gjyshi i fëmijëve për A1 Report , është njoftuar policia për humbjen e tyre pasi orët e para pas largimit te tyre, vëllezërit janë kërkuar tek familjaret e tyre.<br /><br />PISTATA E HETIMIT<br /><br />Policia nuk po heton për momentin pistën e rrëmbimit të tyre por atë që lidhet me të ëmën e tyre .<br /> <br />Ne prill të një viti më parë, mamaja e dy fëmijëve Dallendyshe P ka plagosur një person në Kamëz, krim për të cilin prej një viti po vuan dënimin në burg. <br /> <br />Babai i fëmijëve kishte 4 muaj që i ishte bashkuar familjes ku jetonin dhe fëmijët e humbur. Fotot janë dërguar policisë së Tiranës nga babai Kjo e fundit po kërkon në zona specifike sipas raporteve dhe dëshmive të të afërmve. <br /><br />Gjithashtu, gjyshi i tyre, Veizi Mema ka treguar se fëmijët kanë pasur një zënkë me babain e tyre dhe kjo mund të jetë arsyeja pse dy djemtë e mitur nuk janë kthyer në banesë por janë larguar në drejtim të paditur.<br /><br />Ndërkohë, thuajse e gjithë Drejtoria e Policisë së Tiranës, është angazhuar në kërkim të dy djemve.
