Elbasan- Janë vëllezër dhe pas braktisjes së prindërve jetojnë të vetmuar në këtë kontenier. Fati është treguar mizor me Xhelal Nezirin 14 vjeç dhe vëllain e tij Bekimin 12 vjeç ,pasi që në fëmijëri lojërat e moshës dhe përkujdesja u zëvendësuan nga dhuna e babait.<br /><br />Kjo bëri që nëna e tyre 6 vite më parë të braktiste bashkëshortin dhe sëbashku me dy djemtë të transferohej nga Puka drejt Elbasanit, me shpresën për t'ju ofruar një jetë më të mirë dy fëmijëve.<br /><br />Por situata për dy vëllezerit nuk ndryshoi, dhuna e babait u zëvendësua nga e nënës, e cila më pas i braktisi në mëshirë të fatit.<br /><br />Me sytë e mbushur me lot dhe të frikësuar ata tregojnë sesi po mbijetojnë në kontenier të vetmuar , mes të ftohtit e mungesës së ushqimit.<br /><br />Rreziku që i kanoset këtyre fëmijëve përveç skamjes dhe mjerimit është se në çdo moment ata mund të bien pre e trafikimit.
