TIRANË- Sot shënohet 5 Maji, Dita e Dëshmorëve të Atdheut. Ashtu si çdo vit tjetër u zhvillua ceremonia zyrtare e homazheve në Varrezat e Dëshmorëve të Kombit, ku zyrtarë të politikës vendosën kurora me lule në nderim të të rënëve në luftën anti-fashiste.<br /><br />Si çdo vit, edhe këtë vit në Varrezat e Dëshmorëve janë organizuar dy ceremoni zyrtare dhe himni u ekzekutua dy herë.<br /><br />Fillimisht të majtët kanë bërë nderimet tek monumenti i dëshmorëve, "Nëna Shqipëri" dhe pas më shumë se 1 ore, homazhet i kryen edhe të djathtët.<br /> <br />ORA 10:00, RAMA DHE META HOMAZHE TEK VARREZAT E KOMBIT<br />Në orën 10:00, fillimisht kreu i Kuvendit Ilir Meta dhe më pas kryeministrit Edi Rama janë përulur para monumentit "Nënë Shqipëri" në Varrezat e Dëshmorëve në Tiranë në respekt të gjithë dëshmorëve që kanë dhënë jetën në luftën anti-fashiste.<br /> <br />Homazhe ka kryer, bashkë më kryeministrin dhe kreun e Kuvendit, edhe ministrja e Mbrojtjes, Mimi Kodheli.<br /><br />Gjatë ceremonisë, Rama, Meta dhe Kodheli vendosën kurora me lule në monumentin "Nëna Shqipëri", ku u ekzekutua edhe himni kombëtar.<br /><br />Kreu i kuvendit, Ilir Meta dha një prononcim për mediat në interes të gazetarëve.<br /><br />"Është një ditë ku ne sot përulemi me mirënjohje përpara veprës së Qemal Stafës, e mijëra figura të tjera, djem e vajza të Shqipërisë që i dhanë të ardhmes së atdheut gjakun e tyre, jetën e tyre dhe ëndrrat e tyre",- tha Meta për mediat.<br /><br />ORA 11:30 CEREMONI TË DYTË, HOMAZHE TË DJATHTËT<br />Pas më shumë se një ore më vonë, homazhe tek monumenti "Nëna Shqipëri", kanë kryer kryetari i PD-së Lulzim Basha, ish-kryeministri Sali Berisha dhe deputetët të tjerë të së djathtës.<br /><br />Të djathtët në një ceremoni të dytë, janë përkulur para monumentit të dëshmorëve në shënjë respekti dhe vendosur kurora me lule.<br /><br />"Sot është dita kur shqiptarët nderojnë Dëshmorët e Kombit. Heronjtë të cilët luftuan për idealet e larta të Shqipërisë dhe shqiptarëve, bashkimit kombëtar, dinjitetin e Kombit tonë dhe Demokracinë. Sot, 70-të vite pas përfundimit të luftës antifashiste shqiptarët janë më të bashkuar dhe ideali i të rënëve në luftë anti fashiste, i errësuar për dekada po lartësohet sërisht", u shpreh Basha.
