Tirane- Janë rënduar pozitat e kryetarit të Bashkisë së Vlorës, në gjyqin në ngarkim në tij nën akuzën e falsifikimit të dokumentave.<br /><br />Në gjykatën e Tiranës vazhdojnë të dëshmojnë anëtarët e Keshillit rregullues të territorit të Bashkisë Vlorë.<br /><br />Ka qenë rradha e ish-anëtarit të KRRT-së së këtij qytetit në vitin 2010, Bashkim Caka, i cili ka dëshmuar se është falsifikuar procesverbali i mbledhjes së datës 15 korrik 2010.<br /><br />Sipas Cakës ai ka firmosur tjetër procesverbal në përfundim të mbledhjes dhe tjetër ka parë para Prokurorisë së Vlorës, kur është marrë në pyetje nga grupi hetimor.<br /><br />Ai pretendon se i janë shtuar disa rreshta atij procesverbali, pas mbledhjes për të cilat ai është vënë në dijeni në Prokurorinë e Vlorës.<br /><br />Bashkim Caka ka vazhduar në dëshminë e tij,se ka qënë gjithmonë kundër ndërtimi me 12-13 kate në qyetetin bregdetar.<br /><br />Përveç kësaj, Vlora nuk ka patur asnjëherë plan urbanistik të plotë, por vetëm studime pjesore dhe kjo është një gjë e mangët për këtë qytet.<br /><br />Në këtë seancë kanë munguar të pandehurit,të cilët përfaqësoheshin nga avokatët e tyre.<br /><br />Seancat e fundit ka rënë në sy edhe mungesa e kryetarit të Bashkisë Vlorë Shpëtim Gjika, pavarësisht se në fillim të procesit kishte deklaruar se nuk do të mungonte në asnjë seancë.
