Partitë politike dhe liderët e tyre si dhe gjykatësit janë më të korruptuar në Maqedoni, konsiderojnë qytetarët në një anketë të realizuar nga profesorët e Fakultetit të sigurisë. Qytetarët një vlerësim negativ e dhanë për institucionet lidhur me përgatitjen e tyre për luftën kundër korrupsionit që aspak nuk dallon nga besimi që qytetarët e treguan ndaj partive dhe liderët e tyre. Një pjesë e institucioneve shtetërore refuzuan të bashkëpunojnë në këtë kërkim. <br /><br />"Ne vitin e kaluar nuk hasëm në bashkëpunim me gjykatën themelore Shkupi 2, si dhe me prokurorinë publike, por kishim një bashkëpunim të mirë me Doganën dhe MPB-në", u shpreh Cane Mojanovski, profesor universitar.<br /><br />Të anketuarit vunë në dukje se në luftën kundër korrupsionit një kontribut të rëndësishëm mund të japin edhe mediumet, e sidomos me zbulimin dhe vërtetimin e korrupsionit në kuadër të përmbajtjeve të rregullta informative, por gjithashtu është theksuar se nevoja e pavarësisë politike në media.<br /><br />"Pjesën më të madhe të informatave qytetarët i marrin nga mediumet dhe shtrohet pyetja për objektivitetin e mediumeve. Nëse struktura të caktuara ndikojnë ndaj mediumeve, atëherë automatikisht do të thotë edhe krijim i opinionit publik për çdo problematik në shtet", tha Marijan Nikollovski- profesor universitar.<br /><br />Qytetarët thonë se më së shumti i janë të ekspozuar korrupsionit kur kërkojnë punë ose avancim në vendin e punës, si dhe kur dëshirojnë t'u shmangen dënimeve për kundërvajtjet e bëra. Burrat më tepër japin mito sesa gratë, por po ashtu më tepër japin mito personat me arsim të mesëm për dallim nga ata me arsim të lartë. Natasha Stojanovska
