DURRËS- Organi i Prokurorisë se Rrethit të Durrësit merr në dorë çështjen e Gentian Peta,39 vjeçarit që ra në ujrat e detit nga trageti i linjës Bari-Durrës në datë 19 prill.<br /> <br />Vazhdojnë hetimet lidhur me aksidentin detar të datës 19 prill kur nga bordi i tragetit "Bridge" ra në ujrat e detit 39-vjeçari Gentian Peta.<br /><br />Ndryshe nga organi i kapitanerisë së portit e cila e mbylli hetimin e saj brenda një kohe të shkurtër, policia dhe prokuroria që patën nisur edhe ata një hetim paralel për ngjarjen vazhdojnë punën për zbardhjen e saj.<br /><br />Burime zyrtare nga Drejtoria e Policisë së Qarkut të Durrësit bëjnë me dije se grupi i punës i përbërë nga 5 ekspertë të linjës ka përfunduar hetimin paraprak dhe rezultatet e ka vendosur në një dosje e cila i është dorëzuar Prokurorisë së Rrethit të Durrësit.<br /><br />Në këtë fazë të hetimit janë marrë në pyetje pjesëtarë të ekuipazhit të tragetit, <br /><br />Specialistë të lundrimit detar, pasagjerë të tragetit që kanë parë ngjarjen e 19 prillit si dhe kanë asistuar veprimet e ekuipazhit të anijes të angazhuar në operacionin e kërkim-shpëtimit si dhe kane bllokuar të gjithë dokumentacionin e mbajtur për këtë ngjarje.<br /><br />Për shkak të sekretit hetimor rezultatet paraprake nuk bëhen të ditura.<br /><br />Nga ana e tij, prokurori i Rrethit të Durrësit po e vazhdon punën hetimore me oficerët e policisë gjyqësore dhe ka gjasa që kjo fazë e hetimit deri në përfundimin e tij do të kërkoje edhe ca kohe.<br /><br />Muajin e kaluar, më datë 19 prill nga trageti "Bridge"i linjës Bari-Durrës 12 milje larg brigjeve të Durrësit, ra në det pasagjeri i tragetit Gentian Peta 39 vjeç duke u zhdukur në ujrat e Adriatikut.<br /><br />Me gjithë punën e kryer nga ekuipazhi i tragetit nuk arriti që t'i vinte në ndihmë 39-vjeçarit Peta.<br /> <br />Bashkudhëtare të Petës pasi zbarkuan në toke u shprehen se ndihma ndaj 39 vjeçarit nuk kishte qenë efikase pasi mjetet e emergjencës u hodhën me vonesë në det për t'i shkuar atij në ndihmë.<br /><br />Po atë ditë nisi hetimin për këtë ngjarje edhe kapitaneria e Portit të Durrësit e cila raportin për ngjarjen e ka dërguar në Ministrinë e Transporteve.
