Aerodromi ushtarak në Gjadër të Lezhës është mbushur me barriera betoni,ndërsa janë hapur edhe kanale që e lidhin këtë aerodrom me rrugën hyrëse drejt tij.<br /><br />Operacioni i ushtrisë për bllokimin e pistës ushtarake në Gjadër ka vijuar që prej ditës së premte 2 maj, ndërsa pritet qe ai të përfundojë sot.<br /><br />Krahas pistës kryesore, barriera janë vendosur edhe në atë rezervë.<br /><br />Ndonëse në pamje duket se ky shesh nuk mund të përdoret më për lëvizjen e mjeteve fluturuese, në një tjetër këndveshtrim konstaton se kjo ndërhyrje nuk kryen asnjë funksion për të cilin edhe u nis.<br /><br />Avionet e vegjël mund të ulen dhe ngrihen nga kjo bazë pa asnjë problem, pasi boshllëku në gjerësi mes këtyre barrierave u mundëson diçka të tillë.<br /><br />Kjo bazë po monitorohet nga ushtria dhe prej pak kohësh aty gjenden përfaqësuesit e saj.<br /><br />Krahas hapjes së kanaleve dhe vendosjes së barrierave të betonit, fadromat e ushtrisë prishen edhe disa objekte.<br /><br />Preteksi është se janë të amortizuara dhe janë rrezik për banorët që e shfrytezojnë këtë pistë për kullota, por kjo është një shmangie për të pastruar këtë zonë nga ndërtesa që mund të përdoren për vend depozitime të ndryshme.<br /><br />Ende nuk dihet nëse do të vendosen barriera te tjera në pistë, pasi ato që janë vendosur nuk e ndalojnë uljen e mjeteve fluturues, pasi ata mund të lëvizin lehtësisht në këtë aerodrom.<br />Kjo zonë ushtarake në Gjadër, është bërë epiqendër e vëmendjes së opinionit publik për shkak të akuzave nga opozita se është përdorur për trafikun e droges.<br /><br />Fakti që janë ulur avionë tashmë është pranuar edhe nga banoret e zones në mënyrë, të cilët kanë rrëfyer ata çfarë ata kanë parë.
