Kukes- Ndotja masive e sipërfaqes së liqenit të Fierzës, në Kukës nuk është një fenomen që ka ndodhur tani, por vazhdon prej më shumë se dy vitesh.<br /><br />Kjo situatë e papranueshme rëndohet cdo vit.<br />Sot, një vit më pas, kjo katastrofë ekologjike është bërë edhe më e rëndë.<br /><br />Vendorët akuzojnë ministrinë e Mjedisit se duhej të ishte më e angazhuar për të mos lënë situatën që të agravohej.<br /><br />Nga ana e tyre si pushtet lokal thonë se do të marrin masa për të bërë pastrimin e liqenit. Madje kanë vendosur ngritjen e një Task Force për marrjen e masave.<br /><br />Të sensibilizuar nga media drejtues të njësive vendore, por edhe biznesit e ushtrisë, sot, u ulën së bashku për të gjetur një zgjidhje imediate, për pastrimin e liqenit në një kohë sa më të shpejtë.<br /><br />Prefekti i qarkut të Kukësit, Safet Gjici e konsideroi situatën si të papranueshme duke kërkuar dhe bashkepunim mes shumë aktorëve. Ata kanë rënë dakord për ngritjen e një Task Force.
