Tiranë- Mbrojtja e të gjithë qytetarëve që gjenden në proçes legalizimi , por që ndihen të pasigurt nga politikat e qeverisë, është qëllimi i i krijimit të "Shoqatës për mbrojtjen ligjore të poseduesve të objekteve në proces legalizimi".<br /><br />Themeluesit e Shoqatës thanë se arsyeja kryesore pse e ngritën këtë lëvizje është se kanë konstatuar se premtimi i Kryeministrit për legalizim falas nuk po mbahet dhe kjo sipas tyre del dhe nga projektligji që ka paraqitur qeveria në Parlament.<br /><br />Shoqata do të ofrojë mbështetje dhe asistencë ligjore për çdo qytetar që do të ballafaqohet me veprimet arbitrare të qeverisë.<br /><br />Shoqata për mbrojtjen ligjore të poseduesve të objekteve në proces legalizimi, është Shoqata e dytë që krijohet brenda pak muajve, pas asaj për mbrojtjen e të shkarkuarve nga administrata.
