LEZHË- Uji që shkon në shtëpitë e lezhjanëve është i ndotur bakteriologjikisht, duke u kthyer në një rrezik serioz për shëndetin e konsumatorit.<br /> <br />Kjo nuk është një situatë që ka lindur kohet e fundit, por ka shoqëruar gjithë vitin 2013-të dhe vijon të jetë i tillë.<br /> <br />Ndotja e ujit në Lezhë është pranuar edhe nga Drejtoria e Shëndetit Publik e cila ka dhënë alarmin për situatën e krijuar.<br /> <br />Inspektori i higjenës David Malçi ka bërë të ditur së ndonëse janë kërkuar ndërhyrje për të përmirësuar këtë situatë deri më tani asgjë nuk ka ndryshuar.<br /> <br />Në dijeni të situatës ka qenë edhe Bashkia e Lezhës, pasi të gjitha shkresat e analizave i janë referuar edhe kësaj njësie vendore, por kjo e fundit ka heshtur duke mos ju rekomanduar qytetarëve që mos ta konsumojnë ujin e pijshëm.<br /> <br />Nga ana tjetër përballë kësaj situate ndërmarrja e Ujësjellës Kanalizime në Lezhë ka heshtur, duke mos ju përgjigjur interesit të medias.
