Tiranë- Reforma në Forcat e Armatosura përplas sërish kreun e shtetit Bujar Nishani me Ministren e Mbrojtjes Mimi Kodheli. Pas deklaratave të Nishanit në takimin me Ambasadorët e vendeve anëtare të NATO-s në Tiranë, ka ardhur dhe reagimi i Ministrisë së Mbrojtjes.<br /><br />Në një deklaratë për mediat, Kodheli shprehet se deklaratat e Presidentit Nishani lidhur me projektligjet "Për Pushtetet dhe Autoritetet e Drejtimit dhe Komandimit Strategjik të Forcave të Armatosura", "Për Gradat dhe Karrierën Ushtarake të Forcave të Armatosura të Republikës së Shqipërisë", si dhe "Për Agjencinë e Inteligjencës dhe Sigurisë së Mbrojtjes"janë absolutisht pa lidhje.<br /><br />"Duke e përshëndetur dhe falenderuar Presidentin Nishani për vëmendjen që tregon ndaj zhvillimeve në fushën e mbrojtjes, por duke konstatuar edhe një lexim të gabuar nga ana e Presidentit të disa projekt-ligjeve të inicuara nga Ministria e Mbrotjes me mbështetjen e plotë teknike të partnerëve tanë ndërkombëtare, Ministrja e Mbrojtjes Mimi Kodheli, ndjen detyrimin të sqarojë publikisht se komentet e bëra nga presidenti Nishani në njoftimin e tij për shtyp lidhur me projekt ligjet në fjalë janë absolutisht pa lidhje".<br /><br />Kjo pasi sipas Ministres, institucioni që ajo drejton është konsultuar me çdo aktor dhe faktor relevant në lidhje me cështjet e trajtuara në projekt-ligjet e saj, përfshirë edhe aktorin dhe faktorin President i Republikës. Kodheli thekson se të tre projekt-ligjet e cituara nga Nishani si produkte me mangësi ligjore që cënojnë balancën e pushteteve kushtetuese, janë në fakt një shprehje koherente ligjore e Kushtetutës.<br /><br />"Së pari, Ministria e Mbrojtjes është konsultuar me çdo aktor dhe faktor relevant në lidhje me cështjet e trajtuara në projekt-ligjet e saj, përfshirë edhe aktorin dhe faktorin President i Republikës me të cilin edhe drejpërdrejt Ministria Kodheli edhe në nivelin më të lartë politik në tryezën e Këshillit të Sigurisë Kombëtare, po edhe në nivel ekspertësh në tryeza diskutimesh, ka këmbyer opinionet e nevojshme për sa i takon. Së dyti, Ministria e Mbrojtjes e siguron me këtë rast Presidentin Nishani ashti si gjithë opinionin publik se të tre projekt-ligjet e cituara prej tij si produkte me mangësi ligjore që cënojnë balancën e pushteteve kushtetuese, janë në fakt një shprehje koherente ligjore e Kushtetutës së Republikës së Shqiperisë dhe e standarteve organizative të një vendi të NATO-s, ku në asnjë prej republikave parlamentare të Aleancës së Atlantikut të veriut, Presidenti nuk ka përvec përgjegjësive që i jep kushtetuta edhe përgjegjësi të mbetura si atavizma të regjimit komunist. Së treti, Ministrja e Mbrojtjes garanton se ka qenë dhe mbetet përherë e gatshme të dëgjojë drejtpërdrejt nga Presidenti i Republikës çfarëdo leximi të gabuar, që nuk mund të jetë asnjëherë po kaq për të ardhur keq, sa kur "dëgjohet" pasi është dëgjuar më parë nga ambasadorët e vendeve anëtare të NATO-s" përfundon deklarata.<br /><br />Më herët Presidenti gjatë një takimi Ambasadorë të vendeve anëtare të NA...
