Korçë- Ish-presidenti, Alfred Moisiu, njëkohësisht ish- komandanti i Forcave të Armatosura nga Korça i ka cilësuar akuzat e Partisë Demokratike për trafik droge nëpërmjet Forcave të Armatosura, si "aventurat e Tom Sojerit". Moisiu u shpreh se akuzat bazohen në informacione të rreme dhe mbi thashetheme.<br /><br />"Më janë dukur si përrallat e Tom Sojerit. Janë thashetheme dhe supozime. Është vërtet për të ardhur keq që ne duam të nxijmë veten tonë sesbën"tha Moisiu.<br /><br />Moisiu shtoi se këto thashetheme nuk kanë për të ndikuar në marrjen e statusit në qershor. Sipas tij ndërkombëtarët tashmë janë mësuar me stilin e komunikimit të klasës politike shqiptare.<br /><br />Ish-Presidenti është i mendimit se nëse akuzat do të ishin të vërteta, ndërkombëtarët do ta kishin mësuar përpara nesh, duke qenë se i kanë mjetet e nevojshme për të bërë një gjë të tillë.<br /><br />"Kam mendimin që aleatët tanë perëndimor e njohin stilin e shqiptarëve që flasim pa shumë baza, ndërkohë që ata kanë mjete për t'i identifikuar para nesh".
