Korçe- Deputet e mazhorancës në Korçë, Pirro Kapurani i Levizjes Socialiste për Integrim dhe ai i Partisë Socialiste Ilir Pendavini, i janë përgjigjur kërkesës për ndihmë duke dhuruar respektivisht nga 1 000 Euro dhe 50 mijë lekë të rinj.<br /><br />Një ditë më parë në ndihmë të vogëlushes u ofrua edhe Bashkia e qytetit të Korçës, ku nje pjesë e punonjësve i janë përgjigjur pozitivisht apelit të nënës së Jasminës, Irenës dhe apelit të Ora News për mbledhjen e 5000 eurove me qëllim realizimin e operacionit për Jasminën e vogël.<br /><br />Bashkia grumbulloi një shumë të hollash të cilat kanë kaluar në llogarinë e vogëlushes, ndërsa në ditët në vazhdim pritet që edhe punonjës të tjerë t'i bashkohen apelit.<br /><br />Interes për të ndihmuar Jasminën e vogël ka shfaqur edhe Prefektura e Korçës, ku prefekti Ardit Konomi ka deklaruar se do të përdorë të gjitha mundësitë dhe njohjet e tij për të ndihmuar 2-vjeçaren.<br /><br />Vajza 2-vjeçare Jasmina Paravani vuan nga një sëmundje që ka prekur gjymtyrët e poshtme të saj të cilat e pengojnë që ajo të lëvizë, dhe një ndërhyrje kirurgjikale mund të bëhet vetëm jashtë shtetit e cila kushton 5 mijë euro.<br /><br />Nëse doni të kontribuoni nga Shqipëria:<br /><br />Nr llogarisë për Euro: 0021 048 902<br />Nr llogarisë për Lek: 0011 048 902<br /><br />Nëse doni të kontribuoni nga jashtë Shqipërisë:<br /><br />Emri: Jasmina Paravani<br />SWIFT: SGSBALTX<br />Iban EURO: AL35202410030000000021048902<br />Iban LEK: AL50202410030000000011048902
