Tiranë- Një superoperacion i policise ka bllokuar një avion në Divjakë të Lushjes, i cili sipas bluve fluturonte pa leje në hapësirën ajrore shqiptare.<br />Burime nga policia bëjnë me dije se piloti i avionit tip "Piper" është një shtetas italian,Giorgio Riformatto, ndërsa dyshohet se avioni transportonte lëndë narkotike.<br />Kjo pasi në zonën ku ka qenë i ulur avioni është gjetur një makinë me 2 ton hashash.Policia nuk ka prova që mund të përfshijnë avionin në këtë ngjarje, por avioni nuk mund të niset.<br />Ndërkohë Aviacioni Civil, në një reagim lidhur me ngjarjen ben me dije se avioni i bllokuar në Divjakë ka leje fluturimi në hapësirën shqiptare. Sipas këtij autoriteti, "Leja e fluturimit mban nr. 193 dhënë më 05.05. 2014".<br />Avioni ishte ndalur në aeroportin e Rinasit me leje fluturimi, ndërsa ditën e sotme në orën 13:00 ishte nisur për një fluturim drejt jugut, por Kulla e Kontrollit e ka humbur kontaktin. Piloti mësohet se ka treguar se ka bërë ulje emergjente, pasi avioni kishte pesuar nje avari.<br />Forca të shumta policie janë përfshirë në këtë operacion, ndërsa e gjithë rruga që të çon për në Divjakë është e mbushur me postblloqe policie, që kryejnë kontrolle të imtësishme.<br />Pas pak pritet që Ministria e Brendshme, të dalë në një konferencë për mediat, ku pritet të zbardhë dhe detaje mbi operacionin.
