Marrëveshje jashtëzakonisht e ulët, dhe në kundërshtim me premtimet kryesore parazgjedhore. Kështu e vlerëson marrëveshjen për formimin e Qeverisë së re mes BDI-së dhe VMRO DPMNE-së akademiku Abdylmenaf Bexheti.<br /><br />"Thjesht mund të them së është marrëveshje jashtëzakonisht e ulët, është një pazar shumë i ulët, margjinalizim i skajshëm, mospërmbushje e premtimeve bazike konceptuale për të gjitha ato pretime që janë dhënë'", deklaroi Abdylmenaf Bexheti, akademik.<br /><br />Akademiku Bexheti, madje si nënshkrues i apelit nëpërmjet cilit kërkohej nga BDI që të mos heq dorë nga kërkesat e saj gjatë negociatave, thotë se BDI-ja e Ahmetit, rekordin e saj historik prej 19 deputetësh, e shndërroi në marrëveshje rekord negative. <br /><br />"Ne kishim një ndjenjë edhe unë personalisht..kishim ndjenjë se do të ndodh një gjë e tillë dhe në atë funksion e bëmë atë apel. Nëse lexoni me kujdes tërësinë konzistente të apelit, ku thuhet se edhe ashtu statusi i shqiptarëve është krejtësisht i margjinalizuar, momenti i dytë është se i tërhiqet vëmendja subjektit shumicë se gjithë këtë kapital politik që akumuloi pa u futur në analizë në ç'mënyrë u akumulua, sa janë legale, sa janë legjitime, por thjesht u mbulua një kapital që ata than se është rekord historik. Në rekordin historik rezultoi një marrëveshje rekord negativ në peshën specifike të bashkëqeverisjes", tha Abdylmenaf Bexheti, akademik.<br /><br />Për analistin Alajdin Demiri marrëveshja e re për qeverinë i ngjan një marrëveshjeje klandestine.<br /><br />"D.m.th kjo më shumë i ngjan një marrëveshjeje klandestine se sa një marrëveshje të një qeveria. Aq më shumë se janë marr vesh për proceset integruese, ku platforma e BDI ishte për integrimet në BE, ndërkaq platforma e VMRO-së ishte nuk e ndërrojmë emrin, identitetin nuk e japim, që do të thotë përsëri është diçka ilegale dhe jo-profitabile për Maqedoninë",u shpreh Alajdin Demiri, analist.<br /><br />Demiri shprehet i zhgënjyer që BDI devijoi edhe nga kërkesa për zgjedhjen e presidentit konsensual.<br /><br />"Kjo marrëveshje është avaz i vjetër, u ulën Gruevski dhe Ali Ahmeti u morën vesh por për çka u morën vesh përsëri nuk është transparente dhe jo konform kërkesave që i kishin edhe njëra dhe tjetra parti. Si duket Ali Ahmeti me kërkesën për president konsensual e kërkoi ku nuk ishte dhe tani ku mund të kërkojë nuk e kërkon", tha Alajdin Demiri, analist.<br /><br />Demiri madje thekson se Ahmeti dhe Gruevski edhe një herë dëshmuan se përpara interesave të popullit vendosin interesat dhe përfitimet e tyre personale. Semra Jakupi
