Shkodër- Kanë zgjedhur një nga format më të veçanta për t'iu bashkuar nismës për një mjedis të pastër e ku të gjithë duhet të japim kontributin tonë.<br /><br />Studentët e Akademisë së Arteve në Shkodër dega Pikturë, kanë nisur pikturimin e kazanëve të mbeturinave, me mesazhe të caktuara, të cilët më pas do të vendosen në pjesë të ndryshme të qytetit të Koplikut.<br /><br />Synimi sipas organizatorëve është që të rritet ndërgjegjësimi i qytetarëve dhe veçanërisht brezit të ri për të mbajtur pastër mjedisin që na rrethon dhe mbetjet të hidhen në vendet e përcaktuara.<br /><br />Projekti i tyre vullnetar ka gjetur mbështetjen e bashkisë Koplik, që ka mundësuar bazën materiale.<br /><br />Por ndërsa studentet marrin këto nisma të bukura që duhen mbështetur maksimalisht, njësitë vendore në Shkoder, në masë nuk mbajnë paster territorin që administrojnë.<br /><br />Sezoni veror thuajse ka nisur dhe sërish mbetjet duket se do të jenë refreni edhe i këtij viti, por pritet vetëm reagimi i Ministrisë së Mjedisit me gjoba dhe ndëshkimi për vendorët, që të mund të përmirësojë diçka.
