Një ditë pasi avioni "Piper Lance II" u bllokua në plazhin e Divjakës, vetëm 400 metra larg një automjeti të ngarkuar me 460 kg drogë policia ushtron kontroll në banesën e Sajmir Bajramit.<br /><br />35-vjecari me banim në Durrës u kap teksa po transportonte ngarkesën me drogë. Në momentin e ndalimit iu sekuestruan edhe 27 mijë euro.<br /><br />Kontrolli është kryer gjatë orëve të natës së 10 majit duke u gdhirë 11 maji.<br /><br />Në shtëpinë e Bajramit, në lagjen nr 3 të qytetit bregdetar nuk është gjetur asgjë e dyshimtë për shkak se ai kryesisht jetonte në Itali dhe kishte vetëm dy ditë që ishte kthyer.<br /><br />Gjithashtu policia është në kërkim dhe edhe për tre persona të dyshimtë të cilët dje para se të rrëzohej avioni kërkuan ndihmën e një banori aty afër për t'i treguar se cila është rruga që të conte pikërisht në atë vend ku gati 1 orë e gjysmë më pas ra avioni.
