BERAT- Ardhja e stinës së pranverës ka gjetur ende të pasistemuar situatën në lagjen më të re të qytetit, atë të quajtur ish-"Pjeshkorja".<br /> <br />Një kanal i hapur dikur shërbente për sistemimin e ujërave, ndërsa tani është bërë një vendgrumbullim mbetjesh urbane.<br /> <br />Panorama që duket në këtë vend jep një tablo të qartë të situatës, ndërsa përhapja e epidemive është shqetësimi kryesor i banoreve që jetojnë në këtë zonë.<br /> <br />Premtimet e drejtuesve lokalë për zgjidhjen e këtij problemi deri më tani kanë mbetur vetëm në letër.
