Jo më shumë së 20 km nga qyteti i Vlorës, fshati Bestrov me një popullsi prej 5 mijë banorësh, vuan prej më shumë se 23 vitesh mungesën e ujit të pijshëm.<br /> <br />Përpjekja e banorëve për të bërë puse pranë shtëpive të tyre në mjaft raste ka rezultuar e kotë, teksa uji ka dalë i kripur.<br /> <br />Në këtë fshat ndodhet një çezmë e ndërtuar rreth 100 vite më parë, por prej vitesh nuk kryen më funksionin e saj dhe ka mbetur si një relike e vjetër.<br /> <br />Kjo përbën një paradoks në vete, teksa një shekull më parë uji i pijshëm nuk ishte shqetësim i banoreve, ndërsa në ditët e sotme po.<br /> <br />Ajo që u ka mbetur banorëve është vetëm të bëjnë çdo ditë me dhjetëra kilometra rrugë për të siguruar ujin e pijshëm, ndërsa premtimet e drejtuesve vendorë për zgjidhjen e këtij problemi nuk u kanë munguar kurrë, por kanë mbetur vetëm në letër.<br /> <br />Banorët e Bestrovës duhet të përballen me mungesën e ujit të pijshëm, deri sa përgjegjësit e instancave vendore të kthejnë sytë nga ata.
