Resurset e malit të Tomorrit, shihen si mundësi mjaft e mirë zhvillimi për vendorët e Bashkisë së qytetit të Poliçanit.<br /><br />Promovimi i vlerave të kësaj zone, ka bërë që kryelartësia e malit Tomorr, të mos frekuntohet vetëm gjatë ditëve të peligrinazhit, por dhe gjatë stinës së dimrit, ku zhvillohen ski, gara me makina, por dhe hedhje me parashutë.<br /><br />Një vend turistik, tashmë Tomorri mbledh çdo stinë të vitit mijëra vizitorë, numri i të cilëve synon të shtohet në të ardhmen. Çelja e sezonit turistik, organizuar nga bashkia e Poliçanit, është shoqëruar edhe me prezencën e mjaft sportistëve nga vendi, por dhe Kosova.<br /><br />E ndërsa më parë jetesa e banorëve të këtij qyteti ishte e lidhur ngushtë me uzinën e armëve, tashmë po kthen sytë nga resuset që ofron mali i Tomorit, ku veç fushës së bujqësisë dhe blegtorisë po shtohen dhe mundësitë e shtimit të të ardhurave nga zhvillimi i turizmit.
