Agjensia Ndërkombëtare Energjitike (IEA), ka hedhur poshtë pretendimet se raporti i saj i prillit ka sygjeruar se Shqipëria ka shkelur embargon e OKB-së duke importuar naftë nga Irani.<br /><br />Në një intervistë për "Balkan Insight", zëdhënësja e IEA Magdalena Sanocka tha se raporti e përmend Shqipërinë si një destinacion i përkohshëm i naftës iraniane pasi ajo kishte si destinacion Turqinë, dhe jo si një vend që ka shkelur embargon me Iranin.<br /><br />Në fjalën e saj Sanocka u shpreh se nafta iraniane ka ndaluar në Shqipëri pasi nevojitej një vend i përkohshëm për ngarkesën sepse ishte nisur nga Irani dhe po kërkonte një vend për ta shitur.<br /><br />"IEA nuk thotë që Shqipëria theu embargon mbi Iranin dhe çdo raport që thotë ndryshe ka nevojë për të drejtuar një korrigjim. Pronarët e depozitave të naftës nevojiten të sigurojnë një destinacion të përkohshëm kur ngarkesa është nisur nga porti iranian dhe ngarkesa është e pashitur dhe ky është rasti i Shqipërisë. " tha Magdalena Sanocka<br /><br />Zëdhënësja shtoi se anija e ngarkuar me naftë është në pronësi të Depozitës Kombëtare të Iranit dhe se kishte listuar Shqipërinë si vend tranzit, pasi nafta u shit në Turqi.<br /><br />"Anija është në pronësi të Depozitës Kombëtare të Iranit , NITC, dhe ka listuar Shqipërinë si vend tranzit pasi destinacionin e vet përfundimtar kishte Turqinë." shtoi Sanocka .<br />Gjatë këtyre ditëve mazhoranca dhe opozita kanë replikuar lidhur me akuzën se Shqipëria ka thyer embargon e OKB duke importuar naftë iraniane. Ish-Kryeministri, Sali Berisha kërkoi të enjten një hetim parlamentar me pretendimet se qeveria kishte të importuar naftë nga Teherani , duke thyer embargon e OKB-së.<br /><br />IEA është një organizatë autonome ndërqeveritare e themeluar në kuadër të Organizatës për Bashkëpunim Ekonomik dhe Zhvillim, OECD.
