TIRANË -- Politika shqiptare duhet të jetë e bashkuar në luftën kundër krimit dhe jo e ndarë. Këtë e ka shprehur gazetari Carlo Bollino, i ftuari i mbrëmjes i Ilir Babaramos në studion e emisionit "5 Pyetje nga Babaramo", duke folur lidhur me një nga çështjet më të zjarrta të ditëve të fundit, avionin e rrëzuar në Divjakë të dyshuar për trafik droge.<br /> <br />Që në fillim Bollino ka dhënë mendimin e tij prej profesionisti , si dhe ka ngritur një pikëpyetje dhe ka shprehur habinë e tij sesi është e mundur që një avion që trafikon drogë, e kryen misionin e tij në një vend plot me plazhist.<br />"Një element i çuditshëm është se përballë vendit ku është ulur avioni kishte edhe kabina, lokale, kishte dhe një stacion policie në Divjakë, fuknsional," - tha ai. -- "Pra, trafikanti ka përzgjedhur për trafik vendin më të dukshëm pas Spillesë apo Qerretit, ç'ka tregon një farë naiviteti të tij.<br /><br />Unë kam pasur kontakte me kolegë italianë rreth pilotit Giorgio Riformato, që është një mashtrues i paparë; ai ka krijuar dy kompani fantazmë fluturimi, një në emrin e vet dhe tjetrin në të gruas, me të cilën është ndarë; po ashtu, ky njeri ka dy mosha: në Itali është 56 vjeç, ndërsa në Shqipëri, 67 vjeç; po ashtu, ai ka mashtruar qindra pilotë italianë duke i ftuar të punojnë për të."<br /><br />Ndërsa, nëse Riformaton, Bollino e konsideron një "trafikant naiv", bashkëpunëtorin e tij shqiptar, Saimir Bajramin, e konsideron si një "figurë disi patetike. Sipas atyre që rrëfen, ai ka ndezur makinën që e kishte të ngarkuar me drogë dhe makina ishte prishur; pastaj ajo ka dalë jashtë rruge; më pas ka provuar ta boshatisë, por policia e ka kapur. Këto figura atë e nxjerrin si supertrafikant. Po pyetja është: kush fshihet mbas tij? Kush e ka furnizuar në Fushë Krujë siç tha, me drogë? Kush ia dha 27 mijë eurot? Kush i ka paguar shpenzimet, vajtje - ardhjet, fjetjen, ushqimin që kanë një kosto?"
