TIRANË -- Opozita nis bojkotimin e komisioneve parlamentare dhe kushtëzim të marrëdhënieve me mazhorancën qeveritare duke kërkuar njëherësh një seancë të jashtëzakonshme të Parlamentit, në kushtet kur sipas tyre avionë të vegjël përdoren për trafik droge. <br /><br />Ndërkohë më herët kreu i Partisë Demokratike Lulzim Basha ka zhvilluar sot rreth orës 11:00 një mbledhje me të zgjedhurit vendorë për koordinimin e protestës që opozita do të zhvillojë ditën e enjte. Pas përfundimit të mbledhjes, e cila u zhvillua me dyer të mbyllura, Basha tha se në protestë do të kërkohet largimi i kryeministrit Edi Rama, të cilin e cilësoi si përgjegjësin kryesor të fshehjes së fakteve të trafikut të drogës.<br /><br />BASHA: TE ENJTEN PROTESTE, RAMA IK JE PERGJEGJES PER TRAFIKUN<br /><br />Kreu i Partisë Demokratike Lulzim Basha ka zhvilluar sot rreth orës 11:00 një mbledhje me të zgjedhurit vendorë për koordinimin e protestës që opozita do të zhvillojë ditën e enjte.<br /> <br />Pas përfundimit të mbledhjes, e cila u zhvillua me dyer të mbyllura, Basha tha se në protestë do të kërkohet largimi i kryeministrit Edi Rama, të cilin e cilësoi si përgjegjësin kryesor të fshehjes së fakteve të trafikut të drogës. Ai shtoi se e ardhmja e Shqipërisë është drejt Evropës dhe jo drejt Kolumbisë. Sa i përket mbledhjes Basha u shpreh se qëllimi i saj ishte konsolidimi i linjës opozitare për protestën e së enjtes.<br /> <br />"Qëllimi i takimit të sotëm me opozitën dhe partitë e tjera është konsolidimi i linjës opozitare që është sot një aksion patriotik dhe gjithë popullor pasi e ardhmja e Shqipërisë është drejt Evropës dhe jo drejt Kolumbisë. Në protestë do të kërkohët largimi i Edi Ramës si përgjegjës kryesor i fshehjes së fakteve të trafikut të drogës. Ne dhe opinioni publik nuk mund të pranojmë që Shqipëria të jetë karteli i drogës." tha Basha<br /> <br />Ditën e djeshme, vetë Basha bëri të ditur se opozita do të zhvillojë një protestë ditën e enjte përpara Parlamentit ku do të kërkohet dorëheqja e kryeministrit Rama pas ngjarjes së Divjakës, ku u ndalua një avion si dhe pranë tij makina me 460 kg kanabis.
