Tirane- Vetëm pak minuta pasi gjyqtari Idriz Mulkurti vendosi të lërë në burg pilotin italian, Girogio Riformato dhe Saimir Bajramin, në sallën ngjitur ai është përballur me kërcënimin e Dritan Dajtit,duke qënë se ai është kryesues i pesëshes së gjyqtarëve që e gjykon atë.<br /><br />"E keni kthyer personale me mua . Do të të gjejë belaja me.S'janë asgjë ato mushkonjat që po diskutojë më përpara. Po ta them para gazetarëve, mbaje mend ma thonë emrin Tan Dajti mua." Ky ka qënë reagimi i fortë i Dritan Dajtit,menjëherë pasi gjykata i rrëzoi kërkesën për të zhvarrosur Kastriot Feskaj një nga policat e vrarë në gusht të vitit 2009,në Durrës.<br /><br />Ai pretendon se Feskaj është qëlluar nga pas shpine, nga një koleg i tij. Gjithashtu gjykata rrëzoi edhe kërkesën për rindërtimin e skenës së krimit në vendin e ngjarjes, kqyrjen e rrobave të viktimava si dhe thirrjen e disa dëshmitarëve.<br /><br />Trupi gjykues vendosi që të pandehurit Dajti t'i pranohet kërkesa e thirrjes në gjykatë për të dëshmuar e 14 ekspertëve kriminalistik, të kërkuar nga ai.<br /><br />Pas këtyre zhvillimeve ne seancë Dajti ka vendosur të largohet nga salla, vullnetarisht.<br /><br />E ndodhur në këto kushte pa të pandehur në sallë dhe pa një avokat që të mbrojë Dajtit, gjykata është detyruar të shtyjë seancën për në datën 27 maj.<br /><br />Kjo ishte seance e 270 në ngarkim të Dritan Dajtit,në Gjykatën e Krimeve të Rënda. Ky gjyq vazhdon prej më shumë se tre vitesh dhe mosgjetja e e nje avokati mbrojtës e ka kthyer në një fenomen për drejtësinë shqiptare, rastin Dajti.<br /><br />Dajti akuzohet se më 7 gusht 2009 qëlloi për vdekje katër oficerët, Fatos Xhani, Kastriot Feskaj, Altin Dizdari dhe Saimir Duckollari, të cilët ishin pjesë e skuadrës që tentoi t'i vinte prangat njeriut të kërkuar dhe që jetonte prej shtatë vitesh në arrati.
