GJIROKASTER- Ndonëse fusha e aviacionit në Gjirokastër e ka humbur prej vitesh funksionin e saj dhe ka shërbyer kryesisht për raste emergjencash shëndetësore për uljen e helikopterëve, është marrë nën kontroll nga forcat e ushtrisë.<br /> <br />Gjatë ditës së sotme ka nisur rrethimi i saj me blloqe betoni, të cilat do të pengojnë mundësimin e hyrjes së mjeteve apo ndonjë avioni.<br /> <br />Burimet kanë bërë të ditur për "A1 Report", se patrullimi dhe ruajtja e fushës ndërmerret në kuadër të masave të Ministrisë së Brendshme për rritjen e sigurisë pas akuzave të opozitës për trafik të lënëve narkotike.<br /> <br />Në këtë fushë nuk ka pasur informacione për uljen e avionëve, por ka nisur rrethimi i saj.<br /> <br />Fusha e aviacionit në Gjirokastër ndodhet 1 km larg qytetit pranë luginës së Drinos.<br /> <br />Ajo është inauguruar nga italianët në 11 gusht të vitit 1928. Transporti në këtë aeroport zgjati deri në fund të Luftës së II Botërore, ndërsa gjatë rrëgjimit komunist u përdor për qëllime ushtarake dhe emergjencash.<br /> <br />Sipërfaqja totale e saj është 124 mijë m2 prej të cilave 96 mijë m2 pistë fluturimi, 18 mijë m2 shesh rakordimi, ndërsa pjesa tjetër zonë shërbimi.<br /> <br />Ka distancë 0.8 km nga pjesa lindore e qytetit dhe 0.5 km nga rruga kombëtare Gjirokastër-Kakavijë.<br /> <br />Për riaktivizimin e saj janë hartuar edhe disa projekte.
