Vlorë - Reshjet e ditëve të fundit kanë sjellë përmbytje në disa akse kryesore dhe dytësore të qytetit.<br /><br />Problemi i përmbytjeve në Vlorë vjen i trashëguar prej shumë vitesh, për shkak të amortizimit të rrjetit të kanalizimeve nëntokësore të ujërave të bardha, të zeza si dhe sistemit të drenazhimit.<br /><br />Investimet e viteve 2007-2009 qenë të pjesshme dhe nuk arriten të sjellin zhbllokimin përfundimtar të situatës.<br /><br />Ndërkohë edhe pse hidrovori ka punuar me kapacitet të plotë nuk ka mundur të përballojë intensitetin e reshjeve të nisura pas mesnate e deri në orët e para të mëngjesit të sotëm.<br /><br />Përpos Vlorës, prurjet e lumit Vjosë monitorohen vazhdimisht pasi reshjet e shumta mund të sjellin rritje të nivelit të ujit, duke krijuar situata të emergjencave civile.<br /><br />Mëngjesi gjeti nën ujë bulevardin Vlorë-Skelë, lagjen pranë portit, zonën e njohur si te "Albano dhe Romina" si dhe lagjet problematike sikurse "24 Maji", "Kali Trojës", zona periferike etj.<br /><br />Ndërkohë trageti i linjës Vlorë-Brindizi nuk e ka kryer itenerarin për shkak të detit të trazuar dhe erërave me origjine nga perendimi. Gjithashtu dhe shkeputje të energjisë janë shënuar në zona te ndyshme.<br />Per me shume klikoni ne http://www.oranews.tv/
