Mbikëqyrje e vëmendshme e lumit Pçinja dhe mos lëshimi i akumulimit të Kalimancit dhe hidrosistemit Zletovicë në ditët në vijim. Këto janë konkluzionet nga mbledhja e sotme e trupit koordinues për parandalim të katastrofave natyrore. Për shkak të përmbytjeve në Serbinë fqinje, niveli i lumit Pçinja është rritur për njëherë e gjysmë nga mesatarja. Lumenjtë tjerë janë nën nivel. Për tu penguar dalja eventuale e tyre nga shtretërit, situata përcillet me vëmendje. <br /><br />"Po ndjekim me vëmjendje lumin Pçinja dhe ne në çdo dy orë marrim informata nga Enti hidrometeorologjik dhe nëse është e nevojshme do ndërmerren edhe masa tjera plotësuese. Në këtë fazë shkojmë me masa preventive, pastrimin e kanaleve të ngushta dhe prerjen e degëve përreth urave", tha Mile Janakievski, ministër i transportit.<br /><br />Meteorologët paralajmërojnë se reshjet e shiut do të vazhdojnë edhe për dy ditë ndërsa nga e hëna do të ketë stabilizim të motit. <br /><br /> "Gjatë ditës së nesërme moti do jetë i ndryshueshëm me vranësira dhe pak më i ngrohtë se dita e sotme dhe me periudha diellore, ndërsa në orët e pas ditës do të jetë i paqëndrueshëm dhe me shi të rrëmbyeshëm dhe me bubullima. Do të fryjë erë e lehtë kryesisht nga drejtimi i perëndimit. Nga e diela gjendja do të stabilizohet dhe do të kemi mot më të ngrohtë dhe me diell", deklaroi Lena Jovanovska, sinoptike kujdestare.<br /><br />Ndryshe, për shkak të shiut dhe baltës, bujqit ende nuk mund të hyjnë në arat e tyre, prandaj edhe janë vonuar të mbjellat pranverore. Verica Pavllovska
