Gjashtë viktima të reja në Bosnje-Hercegovinë, si pasojë e përmbytjeve të tmerrshme që kanë përfshirë këtë shtet ballkanik. Tani numri i viktimave në Bosnje, që nga fillimi i përmbytjeve ka arritur numrin 11. Sot është vërejtur ulje e vogël e nivelit të ujërave, përveç Bjelinës, ku niveli jashtëzakonisht i lartë i lumit Sava rrezikon të depërtojë digën dhe të përmbytë qytetin. <br /><br />Nga mbrëmja e djeshme mbi 6000 njerëz me ndihmën e mjeteve të ndryshme po punojnë në mbindërtimin e digës, për të parandaluar daljen nga shtati të lumit Sava, aktualisht 8 metra mbi nivelin normal. Tashmë janë evakuuar mbi 10 mijë njerëz nga qyteti i Bjelinës. <br /><br />Qindra shtëpi janë rrënuar dhe dhjetëra mijë qytetarë kanë lënë shtëpitë e tyre në të gjithë Bosnjën. Banorët shpjegojnë se si kanë shpëtuar kokën nën shtëpitë që rrënoheshin. <br /><br />"Iknim, ishte frikë dhe tmerr, nuk mund të përshkruhet kjo që na ndodhi, thjesht vetëm ik, ndërsa masivi i dheut të ndiqte nga prapa... shikon ku e ke njërin fëmijë, ku e ke tjetrin", tha Almedina Paco, banore.<br /><br />Gjatë ditës së djeshme, vërshimet morën me vete edhe urën e çeliktë të Bosnjës.<br /><br />Aktualisht të gjitha kapacitetet ushtarake dhe civile të Bosnjës janë angazhuar në evakuimin dhe shpëtimin e banorëve. Benjamin Arifi
