Edhe pse mbjellja pranverore u vonua për shkak të shirave, prapëseprapë, drithëra do të ketë. Pas përmbytjeve në Serbi, ende është e paqartë nëse do t'i plotësojmë 40 përqindëshin e grurit që kemi importuar nga fqinji ynë verior. Sipas agro-ekonomistit Millan Prostran, Serbia do të ketë grurë vetëm për nevojat e veta, por jo edhe për eksport. <br /><br />"Reshjet intensive për një kohë të shkurtër shkaktuan përmbytje të mëdha dhe shkatërrimin e prodhimeve bujqësore, veçanërisht në Serbi. Në Panoni, drithërat thuajse janë shkatërruar plotësisht. Me këtë do të ketë krizë sa i përket furnizimit me drithëra që Maqedonia i plotësonte pikërisht nga Serbia", deklaroi Risto Vuçkov, profesor.<br /><br />Reshjet e shkurta por intensive në Maqedoni, i kënaqën nevojat për lagështi të tokës - thonë agro-meteorologët.<br /><br />"Për momentin kemi lagështi të mjaftueshme në tokë dhe në shtresat më të thella. Praktikisht ajo që theksuam disa herë nëse ka lidhje mes lagështisë së sipërfaqes dhe thellësisë, tani ato dy lagështi janë të bashkuara dhe kjo është mirë për kulturat shumëvjeçare, sidomos për pemët dhe vreshtat. Ndërsa lagështia e tokës në këtë moment është e mjaftueshme për t'i plotësuar nevojat e të gjithë të mbjellave vjeshtore, që në këtë periudhë janë nën fazën e nxjerrjes së kallinjve, përkatësisht nevojat për ujë janë të mëdha", u shpreh Angellko Angellkovski, agro-meteorolog.<br /><br />Lagështia në fusha nuk iu lejon bujqve që t'i përfundojnë në kohë obligimet ndaj kulturave bujqësore. Kjo nga ana tjetër ofron mundësi edhe për zhvillimin e dëmtuesve të ndryshëm që mund ta zvogëlojnë rendimentin. Ekspertët bujqësorë i këshillojnë fermerët që ta ndjekin me vëmendje situatën, dhe sapo të krijohen kushtet, të hyjnë nëpër fusha dhe t'i spërkatin të lashtat. Verica Pavloski
